ສະຫາຍ ນາງ ຫວໍທິ ແອັງຊວນ ດຳລົງຕຳແໜ່ງຮັກສາການປະທານປະເທດ ຫວຽດນາມ
ຕາມຂ່າວຈາກວິທະຍຸກະຈາຍສຽງແຫ່ງຊາດ ຫວຽດນາມ ລາຍງານໃຫ້ຮູ້ວ່າ: ພາຍຫຼັງອັດກອງປະຊຸມວິສາມັນ ຄັ້ງທີ 6, ສະພາແຫ່ງຊາດ
ຊຸດທີ XV, ອີງໃສ່ລັດຖະທຳມະນູນຂອງ ສສ ຫວຽດນາມ ແລະ ຂໍ້ກຳນົດຂອງກົດໝາຍທີ່ກ່ຽວຂ້ອງ, ຄະນະປະຈຳສະພາແຫ່ງຊາດ ໄດ້ປະກາດ
ແຈ້ງການກ່ຽວກັບ ການປະຕິບັດສິດເປັນປະທານປະເທດ ໂດຍມີການແຕ່ງຕັ້ງສະຫາຍ ນາງ ຫວໍ ທິ ແອັງ ຊວນ ຮອງປະທານປະເທດ, ເປັນຜູ້
ຮັກສາການປະທານປະເທດ ນັບແຕ່ວັນທີ 21 ມີນາ 2024 ນີ້ ເປັນຕົ້ນໄປຈົນຮອດເວລາສະພາແຫ່ງຊາດເລືອກຕັ້ງປະທານປະເທດຄົນໃໝ່.
ໃນກອງປະຊຸມຄັ້ງວັນທີ 21 ມີນາ 2024, ບັນດາຜູ້ແທນໄດ້ຮັບຟັງບົດລາຍງານຂອງຄະນະປະ ຈຳສະພາແຫ່ງຊາດ ກ່ຽວກັບເລື່ອງຍົກເລີກ
ການປະຕິບັດໜ້າທີ່ ເປັນສະມາຊິກສະພາແຫ່ງຊາດ ຊຸດທີ XV ສຳລັບ ສະຫາຍ ເຈີນ ຕວນ ແອັງ ຂຶ້ນກັບ ຄະນະສະມາຊິກສະພາແຫ່ງຊາດ
ແຂວງແຄງຮວ່າ, ພິ ຈາລະນາເລື່ອງພົ້ນຕຳແໜ່ງປະທານປະເທດ ສສ ຫວຽດນາມ ອາຍຸການ 2021-2026 ແລະ ຍົກເລີກການປະຕິບັດໜ້າທີ່
ເປັນສະມາຊິກສະພາແຫ່ງຊາດ ຊຸດທີ XV ສຳລັບ ສະຫາຍ ຫວໍ ວັນ ເຖືອງ ຂຶ້ນກັບຄະນະສະມາຊິກສະພາແຫ່ງຊາດ ນະຄອນດາໜັງ; ພິຈາລະ
ນາເລື່ອງປົດໜ້າທີ່ເປັນສະມາຊິກສະພາແຫ່ງຊາດ ຊຸດທີ XV ສຳລັບ ທ່ານ ນາງ ຮວ່າງ ທິ ຖູຍ ລານ ຂຶ້ນກັບຄະນະສະມາຊິກສະພາແຫ່ງຊາດ
ແຂວງຫວີງຟຸກ.
ພາຍຫຼັງໄດ້ຮັບຟັງການລາຍງານ, ໃບສະເໜີຄຳເຫັນຂອງສະຫາຍ ຫວໍ ວັນ ເຖືອງ, ສະພາແຫ່ງຊາດ ໄດ້ດຳເນີນການປຶກສາຫາລື, ປ່ອນບັດ
ລັບ ແລະ ຮັບຮອງເອົາມະຕິກ່ຽວກັບການພົ້ນຕຳແໜ່ງປະ ທານປະເທດ ສສ ຫວຽດນາມ ອາຍຸການ 2021-2026 ແລະ ຍົກເລີກການປະຕິ
ບັດໜ້າທີ່ເປັນສະມາຊິກສະພາແຫ່ງຊາດ ຊຸດທີ XV ສຳລັບສະຫາຍ ຫວໍ ວັນ ເຖືອງ, ມະຕິກ່ຽວກັບການງົດໜ້າທີ່ເປັນສະມາຊິກສະພາແຫ່ງ
ຊາດ ຊຸດທີ XV ສຳ ລັບສະຫາຍ ນາງ ຮວ່າງ ທິ ຖຸຍ ລານ.
ແຫຼ່ງທີ່ມາ: ໜັງສືພິມກອງທັບ
ວັນທີ 26/03/2024